Харавая музыка належыць да найбольш дэмакратычных відаў мастацтва. На базе Брэсцкай дзіцячай музычнай школы (цяпер ДМШМ № 1) у 1975 г. быў створаны хор хлопчыкаў «Пеўнікі». Арганізатар і першы кіраўнік — Л. А. Карабейнікава. З 1978 г. калектыў працуе пры Брэсцкім гарадскім Доме культуры (цяпер гарадскі Цэнтр культуры).

У 1960-я гг. была папулярнай форма самадзейнай мастацкай творчасцi – агітацыйна-мастацкія брыгады, якія сцэнічнымі сродкамі ажыццяўлялі выхаваўчую, агітацыйную і прапагандысцкую работу. На Беларусі яны ўзніклі ў 1919 г., у 1920–1930-я гг. пашырыліся на будоўлях і прадпрыемствах, у Вялікую Айчынную вайну былі ў партызанскіх атрадах. Найбольшага росквіту агітбрыгады дасягнулі ў 1970-я гг.